Ginapakamaayo sang Bacolod Traffic and Transport Management Department nga mas maayo sa karun ang traffic plan para sa nagahilapit nga Masskara Festival 2026 kun ipaanggid sa tinalikdan nga tuig.
Sa interview sang Bombo Radyo Bacolod kay BTTMD Head Atty Reuben Sabig, may mga bahin sang dalan nga ginakay-o nga ginalauman naman nga matapos antes ang Masskara, gani ginalauman nila ang mas matawhay nga dalagan sang trapiko.
Dugang pa sini nga mas mabudlay para sa ila ang paghandle sang traffic nakaligad nga tuig bangod sa kakulang sang tawo, samtang karun ang BTTMD ang may ara na sang nagakaigo nga manpower.
Ginalauman man nila nga madamo sang mga festival goers nga indi taga-Bacolod, kag wala pa nakahibalo kun sa diin ang mga towing zones.
Gani seguruhon man nila ang maximum tolerance, kag magasaway na lamang sa mga sala ang parking.
Magapatigayon na lamang sila sang towing activity sa mga salakyan nga magub-an sa dalan, kag nagatuga nagid sang traffic.
