Ginatinguhaan sang Bacolod City Police Office nga wala sang maglapta nga illegal nga druga sa nagahilapit nga Masskara Festival 2026.
Sa interview sang Bombo Radyo kay Plt Roberto Indiape Jr, Chief sang BCPO Drug Enforcement Unit and Intellegence Unit, padayon sila nga nagamonitor sa mga transaction sa illegal nga druga ukon persona nga naga-engaged sini ilabi na nga nagahilapit na ang nasambit nga kapiestahan.
Nagahingyo naman si Indiape sa mga pumuluyo nga magbulig sa kapulisan sa paghatag sang impormasyon.
Kasubong man sa mga brgy official nga magbuylog sa ginapatigayon nga anti-drug campaign sang mga kapulisan kag iban pa nga law enforcement units.
Sa pihak sini, aminado si Indiape nga kabudlayan sang ila operatives kag intellegence officers ang pagmonitor sang exact location sang transaction sang mga illegal nga druga bangud sa mga gadgets kag iban nga application nga ginagamit.
