Ginpamatukan ni Senator Bong Go ang ginaduso nga pagpasaka sang passport fee.
Ini ang reaksyon ni Go kasunod sang pahayag ni Finance Committee Chair JV Ejercito nga naghingyo ang APO Production nga naga-print sang government passport nga pasakaan ang presyo sa P1,500 halin sa P950, agud masustenir ang ila production.
Suno kay Go, indi ini ang nagaka-igo nga tion sa increase bangud sang mataas nga presyo sang goods and services, mataas nga unemployment rate kag ang problema sang overseas Filipino workers.
Pahayag niya, ginpalawig na sa 10 ka tuig ang validity sang passport sa nagligad nga administrasyon agud mapanubuan ang galastuhan sa renewal.
Bangud sini, ginsuhestiyon ni Go nga tun-an sang gobyerno ang proposal kag ginduso nga gamiton anay ang pondo sang gobyerno sa pag-subsidize sa ginaduso nga increase.
