Gindepensahan sang Malacañang ang pagkapili kay Supreme Court Associate Justice Rodil Zalameda bilang masunod nga Chief Justice sa tunga sang mga batikos kag pagkwestyon sa iya nga independency.
Suno kay Presidential Communications Office (PCO) Secretary Lino Cayetano, napili si Zalameda bangud sa iya qualifications kag madalom nga eksperyensya sa hudikatura nga nag-umpisa bilang clerk of court sa RTC, nangin prosecutor, kag nagserbe bilang judge sa Court of Appeals kag Korte Suprema sa idalom sang nagkalain-lain nga administrasyon humalin pa sa panahon ni anay President Fidel Ramos.
Ini ang sabat ni Sec. Cayetano sa mga pahayag sang mga kritiko, kalakip na si former presidential spokesman Harry Roque, nga nag-point out sa nangin papel ni Zalameda bilang ponente ukon authoring justice sang una sa mga desisyon nga nagapabor sa pamilya Marcos.
Gin-athag naman sang Palasyo nga ang mga nasambit nga desisyon ang kolektibo nga desisyon sang bug-os nga dibisyon kag indi sang isa ka mahistrado lamang.
Nagapati ang Palasyo sa impartiality kag integridad ni Zalameda nga magpamuno sa Korte Suprema.
