Duha ka grupo ang nagpatigayon sang rally protest nga may permit sa ciudad sang Bacolod kadungan sa pagdumdum sang ika-54 nga anibersaryo sang Martial Law declaration subong nga adlaw.
Sa interview sang Bombo Radyo kay Plt. Col. Lester Leada, Deputy City Director for Administration sang Bacolod City Police Office, ang isa ka grupo ang nagpatigayon sang rally alas-7:00 tubtob alas-9:00 kaina sang aga.
Samtang ang isa naman ka grupo, ala-1:00 tubtob alas-4:00 subong nga hapon.
Samtang suno kay Leada, may nareport sa ila nga nagtililipon nga wala sang permit sa bahin sang Bacolod City National High School sa Brgy. Taculing kag ini ang ila ginamonitor.
Suno diri, kapin 1,000 ka mga personnel ang gindeploy sa bilog nga Negros Island Region agud magbantay sa nasambit nga aktibidad.
Ginpanugyan sini sa mga organizers sang grupo nga bantayan ang ila mga gamit bangud indi malikawan nga may mamintaha kun madamo sang tawo.
Panugyan naman sini sa mga katigulangan nga ipaiway anay ang pagpatigayon sang rally bangud sa mainit nga panahon kag ang posible nga epekto sang haze subong.
Mensahe ni Leada sa mga magaprotesta nga ipabilin nga malinong ang patigayunon nga rallly para sa kaluwasan sang tanan.
