Na-deputize na sang Land Transportation Office–Negros Island Region (LTO-NIR) ang tatlo ka mga personnel sang Bacolod Traffic and Transportation Management Department (BTTMD) nga makadakop kag maka-issue sang citation tickets sa mga traffic violators.
Sa interview sang Bombo Radyo kay LTO NIR Director Jeck Conlu, may yara man sang 50 ka mga personnel gikan sa Bacolod City Police Office kag Highway Patrol Group nga ila na-deputized.
Suno kay Conlu, ang mga nadeputized nga mga personnel ang may authority sa pagpatuman sang road traffic regulations, lakip na ang pagdakop kag pag-issue sang citation tickets sa mga nagabayolar sa dalan.
Pahayag sang LTO NIR Director, tinutuyo sini agud mapasangkad ang presensya sang mga law enforcement units sa dalanon kag mapasanyog pa gid ang pagpatuman sang traffic laws.
Mensahe sini sa mga motorista nga magsunod sa mga patakaran sa trapiko agud malikawan ang disgrasya kag ang posible nga pagdakop sang LTO NIR.
