Ginkumpirmar sang Bureau of Immigration (BI) nga yara na sa luwas nga pungsod si anay House Speaker Lord Allan Velasco.
Santo sa opisyal nga pahayag sang BI, wala sang Hold Departure Order (HDO) ukon anuman nga derogatory alert batok kay Velasco nga mahimo magpamalabag sa iya sa pagbiya sa Pilipinas.
Wala naman naghatag sang dugang nga detalye ang ahensya bangud sa Data Privacy Act.
Suno naman kay National Bureau of Investigation (NBI) Director Melvin Matibag, nagpadulong si Velasco sa Nagoya, Japan sang Agosto 30 kag natalana kuntani nga magbalik sang Setyembre 14 apang wala sang record nga nakapauli na ini sa Pilipinas.
Suno pa diri, ang misis ni Velasco ang nagpadulong sa Hong Kong sang Setyembre 24, kaupod ang duha ka indibidwal.
Wala man sang record nga nakabalik ini sa natalana nga petsa sang Setyembre 27.
Ini ang ginpahayag matapos nag-atubang sa NBI ang anay security aide ni Velasco nga si former policeman Rodulfo Gracioso Jr. natuhoy sa iya nga alegasyon nga nag-deliver ini sang masobra P2 billion kay Vice President Sara Duterte, P1 billion kay anay President Rodrigo Duterte, kag P100 million kay Rep. Paolo Duterte sa direktiba sang anay House Speaker humalin sang 2018.
