Ginkumpirmar sang mga otoridad sang Tenessee nga napaslawan sila nga ipatuman ang ginpamatbat nga kamatayon kay Christina Gail Pike sang Miyerkules, Setyembre 30, angot sa murder nga iya ginhimo sang 1995, matapos ini hatagan sang duha ka dose sang lethal drug.
Suno sa iya mga abogado, nakita nila nga nagpabilin nga conscious si Pike kag kusog pa ang paghuragok sini matapos ang una nga attempt sang lethal injection.
Matapos ang duha ka attempt, ginsakay si Pike sa ambulansya kag gindala sa ospital.
Natalana nga ipatuman kay Pike ang verdict nga kamatayon alas-10:00 sang aga sang Miyerkules, may kaangtanan sa krimen nga ginhimo sang ini ang 18-anyos pa lamang.
Kun natuman ang execution, si Pike ang labing-una nga babayi nga ginpamatbatan sang kamatayon sa Tenessee sa sulod sang masobra 200 ka tuig.
Isa ka oras antes ang natalana nga execution, temporaryo ini nga ginpauntat.
Makaligad ang pila ka oras, ginbasura naman sang U.S. Supreme Court ang nasambit nga kasuguan.
Santo sa mga abogado ni Pike, duha ka doses sang pentobarbital ang ginahatag sa iya.
Samtang, ginpahayag ni Robin M. Maher, executive director sang Death Penalty Information Center, nga ang na-eksperyensyahan ni Pike ang tumalagsahon kag wala sang kaangid.
Alas-7:27 sang gab-i sang ginpatuman ang execution sa sulod sang execution chamber.
Alas-8:26 sang ginhatag kay Pike ang ikaduha nga dose sang pentobarbital.
Gilayon naman nga nag-file ang iya mga abogado sang emergency motion sa U.S. Supreme Court sa diin nag-resquest sila sang pagkansela sang execution.
Nag-file man sila sang mosyon sa Sixth Circuit Court kag sa district court.
Para kay Atty Jomax Ortiz, tumalagsahon ang kaso ni Pike.
Sa interview sang Bombo Radyo kay Ortiz, ginpahayag sini nga blessing kag second chance ang natabo kay Pike.
Nagapati siya nga dako ang tsyansa nga mapasaylo si Pike sang US Supreme Court.
Ini bangud 18-anyos pa lamang ini sang nakakumiter sang krimen.
Suno kay Ortiz, tumalag-saon ang natabo kay Pike kag indi lamang kontroberysal kundi isa man ka global issue.
Gani, ginalauman sini nga madamo sang mga pumuluyo sa Tennessee ang posible nga maga-rally lakip na ang mga grupo sang human rights, international amnest nga mahimo mag-apelar nga indi pagdayunon ang silot nga kamatayon ni Pike.
