Nagpaandam si Vice President Sara Duterte sa posibilidad nga gamiton ang proposed 2027 National budget agud ma-impluwensiyahan ang mga Senador nga magserbe bilang hukom sa iya nga Impeachment trial kag awardan ang mga kongresista nga nagboto pabor sa iya nga impeachment.
Ginhangkat man ni Duterte ang House prosecution panel nga magpakita sang mabakod nga ebidensiya batok sa iya.
Ginpakigbato sini si lead counsel Atty. Sheila Sison matapos ang pagbaylohanay sang argumento nahanungod sa pag-withdraw sang tatlo ka impeachment articles.
Gintugutan sang Senate Impeachment court ang pag-withdraw sang Articles I, III kag IV, kag article II na lamang ang nabilin.
Sakop sini ang mga alegasyon sa unexplained wealth sang bise presidente.
Samtang, nagpanawagan sanday Senators JV Ejercito, Joel Villanueva, kag Bong Go nga mahatagan sang kahigayunan ang depensa nga makasabat sa mga alegasyon sa idalom sang gindrop nga mga artikulo.
Ginhatagan sang pagtamod sang mga senador ang importansya sang due process kag patas nga trial.
Ginpanginwala naman sang Malacañang ang gin-alegar pagpasilabot ni President Ferdinand Marcos jr. sa desisyon sang prosekusyon.
Suno kay Palace Press Officer Claire Castro, yara sa prosekusyon ang desisyon kun ano ang pinakamabaskog nga ebidensiya.
