Ginklaro sang Negros Oriental Police Provincial Office nga duha lamang ang napatay sa shooting incident sa Sitio Cang-alaw, Brgy Buenavista, Santa Catalina, Negros Oriental kapin alas-5:30 subong nga aga.
Madumduman nga sa una nga report, ginpahayag nga tatlo ang napatay kag duha ang pilason.
Kun sa diin una nga ginpahayag ni NOrPPO Director Police Col. Jonathan Abella nga tatlo ka mag-utod kag ila bayaw ang biktima.
Kun sa diin duha ka mag-utod kag ang bayaw ang napatay, samtang isa nila ka utod ang nasamaran.
Apang ginklaro ni NOrPPO Spokesperson Police Captain Stephen Jaynard Polinar, nga duha lamang ang napatay bangod ang isa ang nakapanago.
Ang isa naman nga gindala sa Rural Health Unit amo ang nagtudlo kun sin-o ang duha ka mga suspect.
Una na nga ginpahayag ni NOrPPO Director Police Col. Jonathan Abella nga ang gindala sa ospital amo ang nagsugid sang identity sang duha ka suspect.
Ang mga biktima ang residente sang Sitio Lobo-Lobo, Brgy. Mansagumayon, Santa Catalina, samtang ang mga suspect ang natumod naman nga residente sang Sitio Caningay, Brgy San Isidro, Pamplona, Negros Oriental.
Sa karun padayun ang hot pursuit operation sa duha ka suspect.
Una naman nga ginpahayag ni Abella nga land dispute ukon away sa duta ang rasun sa pagpatay, apang sa karun ginakuha pa sang mga kapulisan ang detalye tuhoy sa isyu.
Samtang tumuron paman kun ano ang relasyon sang mga biktima sa mga suspect.
