Ginklaro ni Bacolod City Councilor Homer Bais nga nahanungod sa reporting sa status sang mga proyekto nga ginbudgetan paagi sa loan, ang issue sa tunga nila ni House Deputy Speaker kag Bacolod City Lone District Representative Alfredo “Albee” Benitez.
Sa interview sang Bombo Radyo Bacolod sa konsehal, wala sang kamatuoran ang alegasyon nga dutayan lang sila nagtapungulay.
Ginsaysay ni Bais nga naga-umpisa pa lamang ini sa pagkaon sa ila early dinner antes ang pagsugod sang Electric Masskara 2026, sang mag-abot ang grupo ni Benitez.
Ini ang nagderetso sa iya tupad kag siya ang ginkumprontar nga siya ang pamangkuton sang konsehal tuhoy sa loan.
Ginsabat niya ini nga siya ang kuntani pamatian sang kongresista bangod indi tanan nga ginasugid sang mga sipsip nga yara sa iya palibot ang matuod.
Didto na namwersa si Benitez kag ginlampusan ang lamesa.
Aminado si Bais nga nakibot siya sa akto ni Benitez kag kaangay nga nahuy-an gani ginlampusan man sini ang lamesa.
Didto na sini ginbuy-an ang pahayag nga “Ti ano kun Benitez ka?,” samtang ini ang sugpunan pa niya kuntani nga indi siya sini tawo-tawo nga magasunod lamang kun ano ang gusto sang kongresista.
Apang wala na ini makapadayun bangod nagpatunga na si Councilor Caesar Distrito.
Suno kay Homer, naghalin nalang ini sa venue nga wala natapos sa pagkaon, kag wala naman ini nagtambong sa Street Dance and Arena Competition agud indi maguba ang atmosphere sang kapiestahan, sa baylo siya ang naglantaw na lamang sa live coverage.
Sa kaangot nga balita, ginpahayag ni Bais nga ang isyu ang nag-ugat sa resolusyon ni Councilor Em Ang nga nagapangayo sang update tuhoy sa Bacolod Masskara Coliseum nga napondohan paagi sa loans sa idalom pa sang Leonardia Administration.
Apang sa session, ginsuhestyon niya nga ang nauna nga resolusyon na lamang ni Distrito sang Hulyo amo ang tumanon.
Suno diri, sa resolusyon ni Distrito ginarequest ang updated status report sa mga proyekto sang City Government nga napondohan paagi sa loans halin sa Leonardia tubtob sa Benitez Administration.
Ini bangod luwas sa Bacolod Masskara Coliseum kag Museum, yara lamang sa ila ugsaran ang ginatukod nga Legislative Building nga sa idalom sang Benitez Administration, apang tubtob sa karun wala pa matapos.
Suno diri, tatlo ka bulan na sang ginpangayo ang status report, tubtob sa karun wala pa may nasumiter sa Sangguniang Panlungsod.
Panindugan niya nga ginapangayo nila ang report bangod luyag nila mahibaluan kun nagasanto ang development sang construction sa nagastos nga pondo kag kun pila pa ang pondo nga nabilin./Pahayag sini nga sila ang magapatigayon na sang budget deliberation para sa 2027 budget sang ciudad, kag lakip diri ang pagbayad sa utang, nga wala gihapon nagakapuslan sang publiko.// Suno diri, ang dapat magsumiter sang reports amo ang Committee on Finance, Committee on Laws, kag Committee on Assets.// Pasalig ni Bais, nga indi na sa iya issue ang pulpuganay sang lamesa, kag nagapabilin man ang pagtahod sini kay Benitiez.// Suno diri, kun sila ang maga-atubangay, ang issue tuhoy sa status reports sang loans lamang ang iya nga talakayon kag ipahigad ang anuman nga personal nga butang.//// VC: BACOLOD CITY COUNCILOR HOMER BAIS 222
Ginklaro ni Bacolod City Councilor Atty. Caesar Distrito nga wala sang natabo nga tapungulay sa tunga nanday Congressman Alfredo “Albee” Benitez kag Councilor Homer Bais sa party dinner kadungan sa ginpatigayon nga Electric Float Parade sa Bacolod City Government Center sang Oktubre 16.
Sa interview sang Bombo Radyo Bacolod kay Distrito, ginpahayag sini nga isa siya sa mga nakasaksi sa natabo nga pagbinaisay sang duha ka opisyal.
Suno kay Distrito, kaupod nila sa lamesa sanday Mayor Greg Gasataya, Councilor Homer Bais, Thaddy Sayson, Al Espino kag iban pa nga mga opisyales sang ciudad.
Suno kay Distrito, nagsugod ang pag-init sang tensyon sang nagpamangkot si Benitez kay Bais angot sa loan sang ciudad.
Ginpahayag sini nga luyag gid sang Kongresista nga mangin transparent gani suno sa iya, gusto ni Benitez nga magpatawag sang press conference agud mapakita sa publiko ang update sang mga proyekto sa ciudad.
Suno diri, nagsugod ang pag-init sang tensyon sang naghambal si Bais nga ang ginapamatian lamang ni Benitez amo ang mga sipsip apang sila ang wala gina-istorya.
Samtang nagabinaisay ang duha, nagtindog si Benitez kag ginhampak ang lamesa.
Nagbalos man hampak sa lamesa si Bais.
Suno kay Distrito, ginapakalma niya si Bais kag nagpauli agud indi na maglawig ang pagbinaisay.
Ginklaro ni Distrito nga wala sang natabo nga pisikal nga sakitanay kundi pagtaas lamang sang emosyon.
Naintindihan man niya bahin ni Benitez kag nagalaum nga ma-settle ang natabo bangud indi na dapat suno sa iya padakuon pa ang isyu.
Aminado si Councilor Wilson “Jun” Gamboa nga nakabatun ini sang mensahe gikan sa iya abyan sa Bacolod City Government Center nga naga-abiso nga indi na lamang ini magtambong sa ila event antes ang Electric Masskara 2026 bangod sa tensyon sa tunga nanday House Deputy Speaker kag Bacolod City Lone District Representative Alfredo “Albee” Benitez kag Councilor Homer Bais.
Apang suno diri, wala gid man siya sang plano nga magtambong apisar nga nakabatun sang imbetasyon, sa baylo nagabyahe na ini pauli sang mabatun ang text message.
Suno sa konsehal, mahimo nga siya ang ginpaandaman bangod ang isyu ang bangod sa ginraise ni Bais sa session sang Sangguniang Panlungsod nga pangayuon ang comprehensive status report sa mga proyekto sa ciudad nga ginpondohan paagi sa loans, apang wala pa matapos.
Suno diri, siya ang nagsecond sa ginraise ni Bais.
Ini matapos magfile sang resolusyon si Councelor Em Ang nga nagapangayo sang status report sa Bacolod Bacolod Masskara Coliseum kag Museum nga wala gihapon matapos.
Samtang ginpahanumdom naman ni Bais nga may standing resolution na sang Hulyo nga nagarequire sang reporting sang tanan nga proyekto nga wala pa matapos nga ginpondohan gamit ang loan, gani malakip diri ang Legislative Building.
Paathag ni Gamboa nga long-overdue na ang construction sang Coliseum kag Museum nga sa idalom pa sang Leonardia Administration, samtang ang Legislative Building sa idalom sang Benitez Administration ang dapat natapos naman sang Disyembre 2025.
Pahayag sini nga P6.5 billion ang principal amount nga ginloan ni Benitez, samtang P1.7 billion naman ang sa mga proyekto ni Leonardia.
