Ginalantaw ni Negros Occidental 1st District Board Member Marxlene Dela Cruz nga maaprubahan na ang 2027 budget sang Provincial Government sa una nga semana sang Disyembre.
Sa interview sang Bombo Radyo Bacolod kay Board Member Laurence Marxlene Dela Cruz, chairperson sa Committee on Finance sa Sangguniang Panlalawigan, nakaschedule na sila sang budget hearing sa Nobyembre para sa P8.5 billion annual budget.
Ini ang mas mataas sang P900.09 million ukon 11.81 percent sangsa 2026 budget.
Kun sa diin ipatawag man nila ang mga Department Heads para madepensahan ang budget sang ila departamento.
Kaangay sa mga essential public services, health, agriculture, infrastructure, economy and development, education, human development, kag iban pa nga mga programa sa idalom sang Abanse Negrense Program.
Kalakip man sa preparahan sang budget ang para sa bulig sa mga mahimo mahalitan sang Super El Niño.
