Dose ka mga lugar sa Pilipinas ang ginalauman nga maka-eksperyensya sang epekto nga dala sang El Niño sini nga Nobyembre tubtob sa first quarter sang 2027, santo sa Philippine Atmospheric, Geophysical and Astronomical Services Administration (PAGASA).
Base sa climate outlook sang PAGASA para sa Nobyembre 2026 tubtob Abril 2027, kalakip sa listahan sang mga lugar nga maeksperyensyahan ang drought amo ang: Albay, Camarines Norte, Camarines Sur, Catanduanes, Capiz, Leyte, Negros Oriental, Western Samar, Siquijor, Southern Leyte, kag City of Isabela Misamis Oriental.
Santo sa state weather bureau, lauman nga magresulta sa below-normal ang mga pag-ulan sa sulod sang tatlo ukon lima ka bulan, sa diin mabuhinan sang 21 tubtob 60 percent ang pag-ulan.
Ginalantaw nga posible maapektohan sang dry spell ang 28 ka mga lugar sa Luzon kag 19 naman sa Mindanao, samtang pila man ka mga lugar sa Visayas kalakip diri ang: Aklan, Antique, Biliran, Bohol, Cebu, Guimaras, Iloilo, Negros Occidental, kag Northern Samar.
Lauman naman santo sa PAGASA nga maglawig pa ang tagtuyot kag dry spell sa bahin sang Visayas kag Mindanao.
Gin-abisohan naman ang publiko nga magsugod na sa pagkinot kag pagtipon sang tubig sa posibilidad sang supply shortages.
