Nagtanyag ang Department of Interior and Local Government (DILG) sang P50 million nga reward para sa gilayon nga pag-aresto kay Senator Ronald “Bato” dela Rosa.
Ginpahayag ni Interior Secretary Jonvic Remulla, nga ginakabig nga ‘armed and dangerous’ ang pugante nga senador.
Suno diri, ginhimo nila ang tanan nga tikang para sa malinong nga pag-aresto sa senador agud malikawan ang madugo nga komprontasyon.
Ang nasambit nga balor ang kuhaon sa intel fund sang Philippine National Police kag DILG.
Nagpagwa sang arrest warrant ang International Criminal Court (ICC) sang Nobyembre sang tinalikdan nga tuig kag mag-isa na ka tuig sini nga Nobyembre, may kaangtanan sa crimes against humanity sang tion pa ni dela Rosa bilang hepe sang Philippine National Police (PNP) ni anay presidente Rodrigo Duterte bangud sa madugo nga kampanya batok sa iligal nga droga.
