BCGC Fountain, ipaidalom sa testing sa sulod sang duha tubtob tatlo ka semana

Magalawig sang duha tubtob tatlo ka semana ang patigayunon nga testing sang fountain sa Bacolod City Government Center.

Sa interview sang Bombo Radyo Bacolod kay Bacolod City Mayor Greg Gasataya, nasuguran na nila sang tinalikdan nga inadlaw ang pagtest sa tubod sang fountain kasubong man sa mga suga diri.

Sa karun wala pagid natest ang iban pa nga mga functions sang BCGC fountain.

Apang isa sa wala ginakumpormihan sang alkalde amo ang itsura sang flooring sang fountain nga plain nga grey lamang.

Sa sulod sang duha tubtob tatlo ka semana, tsekyaron ang mga functions agud macorrect kun may-ara sang mga problema kag kinahanglan nga adjustments.