Patay ang siyam ka mga indibidwal sa pagpangluthang sa isa ka simbahan sa Karak Province, Jordan.
Ang adlaw sang pagpangasubo sa kamatayon sang ila kasimanwa ang nangin trahedya bangud sa pagpangluthang nga nagpatay sang siyam kag 40 ka tawo ang nasamaran.
Suno sa testigo, may bitbit nga AK-47 assault rifle ang isa sa mga armado kun sa diin nagpalupok ini sang pila ka minutos.
Dugang pa, gin-alegar nga target sang mga lalaki ang ugsaran sang nasambit nga simbahan sa diin nahamtang ang kalabanan nga mga tawo.
Base sa public security agency sang Jordan, wala pa madeterminar ang identity sang mga suspetsado kag padayon pa nga ginapangita sang mga otoridad.
Ginalantaw nga ang natabo ang isa ka terorista nga pag-atake sang mga suspetsado batok sa mga Kristiyano.
Samtang, ginpahayag ni Jordanian Prime Minister Jafar Hassan nga nagabinuligay ang mga ahensya sang gobyerno sang Jordan agud mapanabat ang mga suspetsado kag makuha ang hustisya.
