Handa nga maghatag sang suporta ang Armed Forces of the Philippines (AFP) pananglitan mag-request ang Philippine National Police (PNP) sang ila nga bulig sa pag-aresto kay Senator Ronald “Bato” Dela Rosa.
Suno kay AFP spokesperson Col. Francel Margareth Padilla, isa lamang ang katuyuan sang PNP kag AFP nga ini ang makahatag sang seguridad kag proteksyon batok sa mga nagaluntad nga krimen sa pungsod.
Paathag man sini nga yara sa PNP ang desisyon tuhoy sa operasyon sa pagdakop sa pugante nga senador.
Madumduman nga ginhatagan sang isa ka semana nga ultimatum ang Senador para mag-surrender.
Ini ang may kaangtanan sa arrest warrant nga gin-isyu sang International Criminal Court (ICC) batok kay dela Rosa, sa kaso nga crimes against humanity bangud sa madugo nga kampanya ni former President Rodrigo Duterte batok sa iligal nga droga sa diin hepe sadto sang PNP ang senador.
