Ginlunsyar sang Philippine National Police (PNP) ang hotlines para makabulig nga mapadasig ang pagpangita kay Senator Ronald Dela Rosa.
Suno kay PNP Public Information Office chief Col. Allen Rae Co, gamit ang nasambit nga hotlines, mas madasig nga mapalab-ot sang publiko ang mga impormasyon nga ila nahibaluan agud maaresto si dela Rosa.
Padayon ang ginapatigayon nga pagpangita sa Senador apang mas maayo suno diri nga boluntaryo nga magpakita si dela Rosa.
Ginpaandaman man nga posible makasuhan ang mga prank callers.
Ginpasiguro man ni Co nga may yara sila sang supisyente nga numero sang personnel para sa ini nga operasyon.
Ulihi nga nakita sa publiko ang senador sang Mayo.
Ini tanan ang may kaangtanan sa gin-isyu nga arrest warrant sang International Criminal Court (ICC) batok kay dela Rosa sa kaso nga crimes againts humanity angot sa kampanya kontra droga sang Duterte Administration, sang ini pa ang hepe sang PNP sadto.
