Ginpaidalom na sa blue alert status ang Negros Occidental Provincial Disaster Risk Reduction and Management Office bilang preparasyon sa pagsaulog sang Tigkalalag.
Sa interview kay PDRRMO Head Irene Bel Plotenia, sa idalom sang blue alert status, naka-preposition ang tanan nga response teams agud gilayon nga makaresponde sa tion sang emerhensya.
Suno kay Plotenia, naka-standby man sa dalanon ang mga emergency vehicle sang magkatuhay nga nga local government units para sa madasig nga pagresponde.
Nagpanugyan ang PDRRMO Head sa mga pumuluyo nga siguruhon nga nakuha ang mga nakasaksak nga appliances kag dapat nakalock ang tangke sang mga lulutuan antes maghalin sa balay agud malikawan ang sunog.
Dugang nga panugyan nga magdala sang payong kag tubig ukon mga panaming sa lawas batok sa tuman ka init nga panahon sa tion nga magpadulong sa sementeryo agud nga magsindi sang kandila sa mga minatay.
Suno sa PDRRMO, ginpaidalom ang probinsya sa blue alert status sugod Biyernes, Oktubre 30, tubtob Nobyembre 3, 2026.
