Naglab-ot na sa masobra P42 million ang balor sang kahalitan nga gintuga sang tuman nga tig-ilinit sa mga pananom nga humay kag mais sa probinsiya sang Negros Occidental.
Sa latest nga record sang Office of the Provincial Agriculturist (OPA) kag ginpasa sa talatapan ni Governor Eugenio Jose Lacson, As of October 27 naglab-ot na sa P42,408,370.97 ang kahalitan sa tanum nga humay kag mais.
Nagdangat sa 15 ka mga banwa kag ciudad sa probinsiya kag kabug-usan nga 2,446 ka mga mangunguma sa 73 ka mga barangay ang apektado bangud sang moisture stress sa ila nga pananom.
Sa report yara sa P38,685,768.93 ang kahalitan sa humay sa San Carlos City, Toboso, Don Salvador Benedicto, Escalante City kag Calatrava sa First District; sa Cadiz City kag Sagay City sa Second District; apektado man ang mga humayan sa Moises Padilla, Hinigaran, La Castellana, Isabela kag Binalbagan sa Fifth District; kag Cauayan, Ilog kag Kabankalan City sa Sixth District.
Samtang, yara naman sa P3,772,602.04 ang balor sang kahalitan sa mga pananom nga mais sa pito ka mga barangay sang banwa sang Toboso
