May nagpangawat sang bulak sa Victoria Park Granada Public Cemetery subong nga All Saints’ Day, Nobyembre 1.
Sa interview sang Bombo Radyo kay Jeorgie Panasagan, caretaker sa Victoria Park Granada Public Cemetery, may pila ka mga malahalon nga bulak sa pantyon ang ginpangkawat.
May iban man nga tag-iya nga indi na katultol sang ila nga minatay gani ini ang ila ginabuligan.
Sa pihak sini, ginapakamaayo man ni Panasagan nga kompleto ang mga personnel sa gwa kag sulod sang sementeryo gani nangin matawhay ang sitwasyon sang patyo.
Suno diri, lauman nga mas magdamo pa gid ang mga tawo subong nga hapon tubtob bwas nga adlaw ilabi na nga 24/7 nga bukas ang Victoria Park Granada Public Cemetery.
Panugyan sini sa mga magaduaw sa ila pinalangga nga minatay sa sementeryo nga mas maayu nga hapon nga magkadto bangud indi na tuman ka init.
