Gin-atake sang Russia ang isa ka aid distribution center kag ang kalapit nga shelter sa Komyshuvakha, sa southern Ukraine kahapon, sa diin nautas ang kabuhi sang indi magnubo sa 24 ka mga indibidwal, santo sa emergency services sang Ukraine.
Ginpahayag ni Ukrainian President Volodymyr Zelenskyy sa isa ka social media post nga gin-target sang napulo ka kontralado nga mga bomba ang isa ka shelter kag school building nga ginagamit para sa humanitarian aid.
Suno kay Zelenskyy, ini ang nagapakita nga indi luyag sang Russia nga untaton na ang gyera.
Padayon ang pagpangita sa ginabanta 20 ka mga tawo nga ginkabig nga missing samtang ginalantaw nga madugangan pa ang numero sang mga ginbawian sang kabuhi sa nasambit nga pagpang-atake.
Sa magkatuhay nga bahin sang Ukraine, na-record man ang sunod-sunod nga Russian drone attacks sa diin 17 ang na-record nga pilason.
