Kalabanan sa Subdivision ang narecord sang Bacolod City Police Office nga insidente sang kinawatay sa ciudad.
Suno kay BCPO Director Pcol Eugene Remadomia, magapatigayon siya sang meeting sa Homeowners Association agud ma-identify ang mga dalagko nga subdivision sa ciudad.
Makig-koordinar man siya sa mga security agencies lakip na ang mga gwardya nga nagabantay sa mga subdivision.
Suno kay Rebadomia, maga-request siya sa Liga ng mga Barangay kasubong man sa mga Brgy Tanods sa kun ano ang ila mahimo nga mabulig.
Sa pihak sini, ginapakamaayo sang BCPO Director nga gina-report gilayon sang mga pumuluyo kun may nagaluntad nga insidente sang pagpangawat.
Suno diri, sang nakaligad nga adlaw, may isa ka insidente sang pagpangawat nga nagluntad kun sa diin nakita sang biktima nga nabuksan ang iya nga balay gani nagreport ini gilayon sa kapulisan.
Narecover sang kapulisan sa suspect ang tanan nga items kag ini ang gin-aresto.
Gani, ginpanugyan ni Rebadomia sa mga pumuluyo nga unahon gid nga ireport sang kapulisan kun may kaangay nga insidente agud marespondehan, sa baylo nga una nga magpost sa social media.
