Nagpanawagan ang principal sang Negros Occidental High School (NOHS) sang kooperasyon sang mga ginikanan sa pagtuon sang mga kabataan kadungan sa suspension sang face-to-face classes.
Madumduman nga tatlo ka adlaw nga nagpatigayon sang suspension sang face-to-face classes bangod sa high heat index.
Santo sa report sang Negros Occidental Provincial Disaster Riosk Reduction and Management Office, 17 ka local government units ang nagsuspend sang face-to-face classes, partikular na sa La Carlota City nga nakarecord sang 43 degrees Celsius.
Sa interview sang Bombo Radyo Bacolod kay Dr Cheryl Tondo, principal IV sang NOHS, parehas lamang ang goal sang ginikanan kag mga eskwelahan, kag amo nga matudluan ang mga kabataan.
Apang agud nga mapadayun ang pagtudlo apisar sang kanselasyon sang face-to-face classes, nagapatigayon sang Alternative Delivery Modes (ADMs) kun sa diin may mga activities nga ginahatag sa mga kabataan nga dapat nila sabtun samtang yara sa balay.
Panawagan nila sa mga ginikanan nga imonitor ang pagtuon sang ila kabataan kag kun ginahimo sang mga ini ang ginahatag nga activities.
Pahanumdom ni Tondo nga ang face-to-face classes lamang ang suspended, apang ang pagtuon ang nagapadayun.
