Gindepensahan sang Department of Foreign Affairs (DFA) ang legal nga gahum sini para mag-isyu sang Philippine visa, kasunod sang pahayag ni Ombudsman Jesus Crispin Remulla nga yara sa idalom sang Department of Justice (DOJ) ang nasambit nga katungdanan.
Sabat sang DFA sa Ombudsman, maathag nga nakapagkit sa Administrative Code of 1987 ang gahum sang mga konsulado sa Pilipinas nga mag-isyu sang visa kag indi ini basta nga gin-grant lamang sang DOJ.
Ginpamatukan naman sang ahensya ang ginpropose ni Remulla nga isaylo sa pribado nga service provider ang pagproseso sang visa.
Paathag sang DFA, mahimo nga magbulig ang mga pribado nga kompanya sa pagbaton kag pagpadali sang aplikasyon, apang nagapabilin nga katungdanan sang gobyerno ang pag-usisa, pag-apruba, ukon pag-deny sang mga aplikasyon.
Samtang, ginpakigbato naman sang ahensya ang 14-day visa-free para sa mga Chinese national, nga ginpatuman santo sa direktiba ni President Ferdinand Marcos Jr. agud pasanyugon ang trading, investment, turismo, kag kooperasyon sang Pilipinas kag China.
Ini kasunod sang naggwa nga mga report natuhoy sa mga Chinese nationals nga ginaabuso ang visa-free arrangement para sa mga iligal nga buluhaton kaangay sang illegal scam hubs, illegal employment, kag ilabi na sa mga iligal nga operasyon sang Philippine Offshore Gaming Operator ukon POGO.
Ginpanginwala man sang DFA ang gin-alegar pag-isyu sang peke nga pasaporte mangin ang mga alegasyon sang kurapsyon.
