Persona nga ginsubpoena sang korte, indi basta-basta nga makabalibad suno sa abogado

Ginpaathag sang abugado kag anay konsehal sa ciudad sang Bacolod nga indi basta-basta nga maka-decline ang isa ka persona nga padal-an sang korte sang subpoena order.

Sa interview sang Bombo Radyo Bacolod kay Atty. Renecito Novero, sa tion nga magpagwa sang subpoena order ang korte indi ini madali nga pamalibaran kung wala sang justifiable reason kaangay sang health, security kag physical inability.

Suno kay Novero, kun i-honor sang korte, ginabawi ang subpoena samtang kun indi, yara sa gihapon ang order kag dapat gid nga magpakita sa korte.

Suno sa abugado, ang mga nagpamalibad nga magsunod sa subpoena ang mahimo nga issuehan sang korte sang arrest order ukon contempt matapos nga wala ini nagkooperar.