Tatlo ka oil tanker ang naglupok kag nasunog sang Domingo samtang nagalayag sa Strait of Hormuz, santo sa pahayag sang Iran’s Islamic Revolutionary Guard Corps (IRGC).
Ginpahayag sang IRGC nga nag-agi ang mga tanker sa ruta nga indi otorisado sang Iran.
pang wala gintumod sang grupo ang pungsod nga ginhalinan sang mga barko.
Sa separado nga report, ang isa ka British maritime agency ang nagpahayag nga ang isa nila ka tanker nasunog sang Sabado sa Strait of Hormuz, malapit sa Khasab, Oman.
Isa pa ka tanker ang ginreport nga naigo man sang wala pa matumod nga explosive.
Samtang, ginreport sang state media sa United Arab Emirates nga 22 ka mga tawo ang na-rescue gikan sa nagakalayo nga barko sa Gulf of Oman kag yara na sila sa maayo nga kondisyon.
Wala pa makumpirmar kun separado ukon konektado ang mga ginreport nga insidente.
Humalin sang nag-umpisa sang gyera sa Iran sang Pebrero, ang Tehran ang nagpatuman sang hugot nga limitasyon sa mga barko nga maga-agi sa Strait of Hormuz.
Bilang sabat, nagpatuman ang Estados Unidos sang naval blockade sa mga ports sang Iran.
