Pito ang ginbawian sang kabuhi samtang masobra 100 naman ang pilason matapos magbungguanay ang duha ka tren sa Giza, Egypt.
Ginpahayag sang railway authority sang pungsod nga ang duha ka tren ang nagabyahe padulong sa nabagatnan nga direksyon gikan sa Giza kag Cairo.
Ginpahayag ni Egyptian President Abdul Fattah al-Sisi nga ini ang nagmando na sa mga otoridad nga paga-imbestigaran ang insidente kag pasabton ang mga reponsable kun may yara sang pagpabaya nga natabo.
Nagpaandam naman ang public prosecutor’s office nga posible madugangan pa ang numero sang mga nautas ang kabuhi.
Ginpaidalom naman sa “heightened alert” ang mga ospital sa Egypt bangud sa kadamuon sang pasyente nga ginapasulod.
Kalabanan sa mga injury nga naagom amo ang fracture kag head injuries.
Lakip sa mga napatay ang driver sang isa ka tren, santo sa ministry.
