Nagtimbuok pa sang kapin 25 percent ang agricultural trade deficit sang pungsod sa Septyembre subong nga tuig, nga amo ang pinakamataas humalin sang Marso 2026.
Ang trade deficit ang nagakatabo sa tion nga mas madamo pa ang na-import kun ipaanggid sa na-export.
Base sa Philippine Statistics Authority (PSA), na-record sang Pilipinas ang trade deficit nga $1.25 billion ukon P78.9 billion.
Sa amo nga bulan, nagnubo ang agricultural exports sa $642.11 million ukon P40.52 billion halin sa P51.40 billion nga export revenues sa amo nga tion sang nagligad nga tuig.
Sa pihak nga bahin, nagsaka naman sa $1.89 billion ukon P119.27 billion ang agriculture imports sang Pilipinas, nga may 4.2% nga pagsaka halin sa $1.82 billion ukon P114.86 billion sang 2025.
