Nagbaton sang iya premyo sa sulod sang ospital ang 56-anyos nga First Prize winner sa grand draw sang Swerte sa Palengke 2026.
Si Shirly Frane sang Purok San Roque 1, Barangay Handumanan, Bacolod City, ang na-admit sa ospital sang nagligad nga adlaw bangud sa ginasuprer nga diabetes.
Siya ang ginpadulongan sang Bombo News Team agud personal nga ihatag ang P25,000 nga premyo.
Ang iya bana ang nagabantay sa iya sa ospital.
Tuman ang kapilay ni Frane sa pagbaton sang iya premyo bangud may yara na siya sang idugang bakal sang bulong.
Ibakal man niya sang panginahanglanon sa sulod panimalay ang sobra sang premyo.
Si Frane ang nagdaog paagi sa ginhulog nga proof of purchase sang San Miguel Beer.
Nagpasalamat ini sa Bombo Radyo kag Star Fm kasubong man sa mga sponsors sa iya pagdaog.
Nagpangagda man ini sa iban nga magpasakop sa mga papromo sang Bombo Radyo kag Star FM agud magdaog kaangay niya.
Samtang, malipayon naman nga nagbaton ang duha pa ka winners.
Ang Second Prize winner nga si Mae Tolentino sang Bago Public Market ang nagbaton sang P15,000 nga premyo.
Siya ang nagdaog paagi sa ginhulog nga proof of purchase sang Sarsaya.
Samtang, ang Third Prize winner nga si Jenny Galas, 58 anyos, residente sang Purok Mainuswagon, Barangay Alijis, Bacolod City ang nagdaog sang P10,000 paagi sa ginhulog nga proof of purchase sang Efficascent Oil.
