Ginpanginwala sang House of Representatives ang mga alegasyon nga nagdangat sa P1 trillion ang mga amyenda sa proposed 2027 national budget, kag gin-athag nga P115 billion lamang ang aktuwal nga balor sang mga pagbag-o.
Suno kay Camarines Sur Rep. Arnie Fuentebella, kalakip sa mga amyenda ang pagrepaso sa detalye sang mga proyekto kag indi lamang ang pagsaylo sang pondo sa mga ahensiya.
Ginpaathag naman ni Bataan Rep. Albert Garcia nga kadam-an sa mga pagbag-o ang halin sa mga ahensya sang gobyerno kag mga proyekto nga wala nalakip sa orihinal nga proposed budget.
Ginpanugyanan sang mga mamalidha ang publiko nga usisaon ang kada amyenda antes magpagwa sang konklusyon nahanungod sa legitimacy sini.
Yara na karon sa Senado ang P7.2 trillion nga proposed budget para usisaon antes ang bicameral conference deliberations.
