Nag-deploy ang Department of Energy (DOE) sa tunga sang Oil Industry Management Bureau (OIMB) sang mga inspection team sa nagkalain-lain nga bahin sang Metro Manila agud nga masiguro nga ginapatuman sa mga gasoline station ang mga gin-anunsyo nga price adjustment.
Suno sa ahensiya, ginapatigayon ang hugot nga pag-monitor nga ini kasunod sang ginapatuman nga dako nga buhin sa presyo sang mga produktong petrolyo.
Padayon nga ginamonitor sang mga personnel sang DOE ang mga estasyon sang langis sa mga nagapanguna nga dalanon kag strategic nga lugar agud nga masiguro nga napatuman sang insakto sa pump prices ang rollback kag mapuslan ini sang mga motorista.
Magluwas sa Metro Manila, gin-report man sang talatapan nga nagpadayon ang mga kaangay nga operasyon sa nagkalain-lain nga rehiyon paagi sa ila nga mga Field Office sa bug-os nga pungsod.
Nagpaandaman naman ang DOE nga may penalidad nga pangatubangon kag administrative sanction ang mga fuel retailer nga mapamatud-an nga nagalapas sa mga natalana nga pagsulundan kag presyo.
Gin-engganyo man sang gobyerno ang publiko nga gilayon nga i-report ang mga nakita nga iregularidad sa presyuhanay paagi sa eGovPH App agud nga masabat gilayon sang mga awtoridad.
