Ginpatuman ni President Ferdinand R. Marcos Jr. ang whole-of-government approach agud nga mas mapalapit kag mapadasig ang pagdul-ong sang mga kinahanglanon nga serbisyo kag suporta sa mga mangunguma sa bug-os nga pungsod.
Bilang nagapanguna nga tikang sa direktiba nga ini, padayon nga ginapasanyog sang National Irrigation Administration (NIA) ang koordinasyon sini sa nagkalain-lain nga local government units (LGUs).
Suno sa ahensya, ang hugot nga kooperasyon sa mga local government unit ang palaagyan agud nga masiguro nga mas madamo nga mga mangunguma ang direkta nga makabenepisyo sa mga proyekto nga para sa irigasyon kag sa iban pa nga programa sang gobyerno.
Paagi sa gintingob nga pwersa sang nagkalain-lain nga departamento sang gobyerno kag LGUs, mas mahapos nga masabat ang mga kinahanglanon sang sector sang agrikultura sa tagsa ka mga komunidad.
Katuyuan sang mga strategies nga ini nga masiguro ang nagakaigo nga supply sang tubig, mapadamo ang ani sang mga mangunguma kag mapasanyog ang palangabuhian padulong sa long term food security.
