Mahimo na magamit para sa commercial ang mga balas kag volcanic debris gikan sa Mt Kanlaon nga makuha nagikan sa pag-clearing sang Ibid creek, Sitio Tamburong, Barangay Biak-na-Bato, La Castellana, Negros Occidental.
Ini matapos nga nakakuha na sang Environmental Compliance Certificate (ECC) ang provincial government sang Negros Occidental.
Sa interview kay Environmental Management Bureau – Negros Island Region (EMB–NIR) Director Vicente Losbañes, naaprubahan na ang ECC kag may yara na lamang sang initial volume nga kuhaon sang volcanic debris nga kuhaon sa nasambit nga sapa.
Suno kay Losbañes, ang makuha nga debris ang mahimo gamiton para sa pader sang balay apang indi mahimo gamiton sa pagpatindog sang matag-as nga building.
Dugang pa sini nga kun matapos na hakot ang volume nga naaprubahan sa gin-issue nga ECC mahimo lamang ini nga i-renew sang probinsya.
