Ginturn-over kaina sang aga ang Madrasah Reading Corner sang Office of the Vice President (OVP) sa Apolinario Mabini Elementary School.
Sa interview sang Bombo Radyo Bacolod kay School Principal Maria Corazon Alfiscar, ang Apolinario Mabini Elementary School ang una nga nakabatun sang Madrasah Reading Corner program sa idalom sang Department of Education.
Ini ang ikaduha naman sa bilog nga Pilipinas, bangod una na nga naglunsyar sang Community Madrasah Learning Center sa Zamboanga sang Oktubre 16.
Nakaschedule man kuntani nga magtambong si Vice President Sara Duterte sa turn-over ceremony, apang naglain ang iya nga pamatyag.
Gani siya ang ginrepresent na lamang ni OVP Panay and Negros Island satellite office head Dr. Chris Sorongon.
Suno kay Alfiscar, ang mga Arabic nga libro ang gindonar sang Qatar Embassy.
May-ara naman sang 15 ka Muslim learners sa buluthuan, samtang may-ara man sang muslim teacher.
Paathag ni Alfiscar nga ang nagapanguna nga tinutuyo sang programa amo ang mabuligan ang minority sector gikan sa Muslim community nga mas palanggaon ang pagbasa ukon madevelop ang ‘love for learning.’
Apang indi lamang exclusive sa Muslim ang programa, bangod may-ara man sang mga libro nga translated sa English.
May-ara sang scheduling para sa mga kabataan para sa nasambit nga programa.
Suno sa School Principal, nagkuha sila sang porsyon sa school library nga amo ang ginhimo nga Madrasah Reading Corner.
