Cyprus, Slovak Republic, kag Slovenia, nakigbahin sa ASEAN Treaty of Amity and Cooperation
-- ADVERTISEMENT --

Pormal na nga nakigbahin sa Treaty of Amity and Cooperation (TAC) sang ASEAN ang Republic of Cyprus, Slovak Republic, kag ang Republic of Slovenia sang Sabado, Nobyembre 14.

Ang mga nasambit nga pungsod ang nagpirma kag nag-deposit sang ila instrument of accession sa treaty antes ang 49th ASEAN Summit opening ceremony.

Ginlaragway ni Department of Foreign Affairs (DFA) Secretary Ma. Theresa Lazaro ang accession sa Filipino concept nga “paghiliusa,” ukon solidarity.

Ginhatagani sini pagtamod ang importansya sang pagsuporta sang kasugtanan apisar sang nagapadayon nga tensyon sa pila ka parte sang rehiyon.

Ginpahayag ni Lazaro nga ang pagdamo sang mga pungsod nga nagpasakop kag nagpirma sa kasugtanan ang nagapamatuod nga nagapabilin nga importante ang Treaty of Amity and Cooperation (TAC) kag indi mabuslan ang papel sini sa pagpatuman sang seguridad sa rehiyon kag sa bug-os nga kalibutan.

-- ADVERTISEMENT --

Ang TAC amo ang isa sa mga nagapanguna nga kasugtanan nga nagaserbe bilang giya sang mga myembro agud mapabilin ang kalinong, seguridad, kag kooperasyon sa isa kag isa.

Sang damlag lang, ang Poland, Lithuania, Romania, kag Sweden ang pormal man nga nag-upod sa kasugtanan kadungan sang pagdumdom sang regional bloc sa 50th anniversary sang treaty signing.

Ang 49th ASEAN Summit kag mga Related Summits ang ginsugudan kahapon tubtob sa Nobyembre 18 sa Philippine International Convention Center (PICC) sa Pasay City.