Ginkumpirmar sang Integrity Monitoring and Enforcement Group (IMEG) Visayas Field Office nga may gin-aresto sila nga Police Major sa Negros Occidental.
Sa interview sang Bombo Radyo Bacolod sa personnel sang Integrity Monitoring and Enforcement Group (IMEG) Visayas Field Office, ang makumpirmar lamang sini nga may naaresto sila nga Chief of Police nga may ranggo nga Police Major sa Negros Occidental nga may warrant of arrest sa kaso nga murder apang ang iban nga detalye ang Integrity Monitoring and Enforcement Group (IMEG) National Office na ang magahatag.
Ini santo sa instruction nga ginhatag sa ila.
Sa inisyal nga impormasyon nga nakuha sang Bombo News Team, ang warrant of arrest sa kaso nga murder nga gindagdag batok sa nasambit nga police officer ang gina-alegar may kaangtanan sa isa ka police operation sa Zamboanga del Norte kag Zamboanga del Sur sang 2018 kun sa diin magaserbe kuntani sang arrest warrant sa duha ka persona, apang may yara sang shoot out nga natabo nga nagresulta sa kamatayon sang duha ka mga persona.












