Bana ni Dimples Romana nga si Boyet Ahmee, liwat nga nagpropose sa ila bakasyon sa City of Love, Paris
-- ADVERTISEMENT --

Liwat nga nag-propose si Boyet Ahmee sa iya nga asawa nga si Dimples Romana sa ila nga bakasyon sa City of Love sa Paris, France.

Gin-share ni Ahmee sa iya Instagram account sang Miyerkules ang video kun sa diin liwat niya nga ginpangayo ang kamot sang actress sa atubang sang Eiffel Tower.

Sa video, makita nga malipayon nga nagasaot ang duha sa ambahanon nga “Trumpets” ni Jason Derulo.

Kasunod sini, nagluhod si Ahmee kag liwat nga nagpropose kay Dimples.

Wala naman napunggan sang actress nga mangin emosyonal sa sorpresa nga ginhanda sang iya bana.

-- ADVERTISEMENT --

Sa caption sang iya nga post, ginpakigbahin ni Ahmee nga 23 na ka tuig ang nakaligad humalin sang una niya nga ginpromisa kay Dimples ang ila nga paghigugma-anay.

Dugang pa sini, kun hatagan siya sang kahigayunan nga liwaton ang iya nga kabuhi, si Dimples sa gihapon ang iya nga pilion.