Panaad Park and Stadium, gamiton sa opening ceremony kag mangin playing venue sa Batang Pinoy 2026
-- ADVERTISEMENT --

Gamiton ang Panaad Park and Stadium para sa opening ceremony sang Batang Pinoy 2026, kag magaserbe man nga playing venue sa pila ka mga sporting events.

Nahibaluan nga ang Batang Pinoy 2026 nga i-host sang Bacolod City ang maga-umpisa sa Disyembre 12 tubtob sa 18.

Sa interview sang Bombo Radyo Bacolod kay Bacolod City Secretary to the Mayor Atty Marty Go, upod sa organising committee, sila ang nag-set sang appointment kay Negros Occidental Governor Eugenio Jose “Bong” Lacson para ipahibalo ang ila nga mga plano.

Kalakip na ang mangin set-up sa stage, paggamit sang kuryente, set-up sang booth, kag iban pa.

Suno diri, antes mapatuman ang plano sa Panaad Park and Stadium, sa paggamit sang mga pasilidad kalakip na sa sporting events, kinahanglan nila sang approval sang gobernador.

-- ADVERTISEMENT --

Sa latest report gikan sa Philippine Sports Committee, yara na sa 36,000 ang ginalauman nga magabisita sa ciudad kalakip ang mga atleta, coaches, kag iban pa nga delegates.

Ang mga kabataan nga magapasakop sa sporting event ang naga-edad walo tubtob kinse anyos, gani lauman man nga sila ang may kaupod nga gaurdians luwas sa ila nga mga coaches.

May kapin 40 naman nga mga eskwelahan sa Bacolod nga mahimo gamiton nga billeting school.

Samtang madamo naman sang mga highly urbanized cities nga nagbook na sa mga hotels, tourist inns, AirBNB, kag iban pa nga accomodation facilities.