Ginbawian sang kabuhi si former United Movement Against Drugs party-list Rep. Teodoro Lim matapos ginbuno-patay sang isa ka parking attendant sa isa ka mall parking lot sa Antipolo City, bangud sa gina-alegar indi paghangpanay may kaangtanan sa kwarta ukon sinsilyo.
Makita sa isa ka CCTV footage ang pagsulod ni Lim sa iya nga salakyan, nga ginsundan sang isa ka lalaki makaligad lamang ang pila ka segundo.
Makita sa video nga nagsulod man sa salakyan ang suspek.
Santo sa kapulisan, ginbuno sang makapila ka beses ang anay mamalidha sa sulod sang iya salakyan.
Madumduman nga nagserbe si Lim sa 14th congress humalin sang 2009 tubtob sang 2010.
Ang suspek nga ginkilala nga si alyas “Boyet,” ang nasiplatan pa sa CCTV camera nga naglakat palayo sa crime scene antes ini nagsakay sa tricycle.
Gilayon nga naaresto si Boyet sa isa ka balay sa Angono, Rizal, sa ginpatigayon nga operasyon sang kapulisan.
Narekober diri ang ginkawat nga wallet kay Lim, cellphone, kasubong man ang panapton sang suspek nga may mga talsik sang dugo.
Santo sa otoridad, nakaagom man sang mga pilas ang suspek bangud nagbato si Lim.
Sa panaysayon sang suspek, naghingyo ini sang kwarta kay Lim apang gin-alegar gin-igo ini sang pwertahan sang salakyan.












