Nagapati ang abugado sa ciudad sang Bacolod nga madasig lang ang pagdala pabalik kay expelled Negros Oriental 3rd District Representative Arnie Teves sa Pilipinas matapos nga madakpan sa Timor Leste kahapon.
Sa interview sang Bombo Radyo Bacolod kay Atty. Jomax Ortiz, ginalantaw sini nga mahimo nga mapadasig ang pagdala pabalik kay Teves sa Pilipinas kag ini ang iderekta sa prisuhan kasunod sang mga pending warrant of arrests batok diri.
Ginalantaw man sang abugado nga magaproseso sang piyansa ang kampo ni Teves apang malawig nga panahon ang kinahanglan sa pagproseso sini.
Suno pa diri, mahimo man nga maulamid si Pryde Teves ang utod sang anay kongresista sa kaso nga pangatubangon sini.
Samtang ang mga nagkaladakpan naman nga mga suspek magluwas sa nagpangamot agud nga matigayon ang krimen ang mahimo nga magrecant agud nga mangin state witness.
Suno pa kay Ortiz mahimo man nga maglawig ang pagtinir ni Teves sa prisuhan bangud indi lamang isa ang ginapangatubang sini.
Ginpahayag man sini nga wala sang special treatment kay Teves sa tion nga ini ang ibutang na sa prisuhan.
Natalana naman nga pagasugudan ang arraignment sa kaso ni Teves kag ginalantaw nga balantayan naman ang mga pangalan sang mga personalidad nga ibungat sini.
