Nagpanawagan ang aktor nga si George Clooney, isa sa mga leading fundrasers sang Democratic Party, kay US President Joe Biden nga tapuson na ang nagahuyang sini nga re-election campaign.
Si Clooney, isa ka miyembro sang Hollywood elite nga nagahatag sang dako nga suporta sa Democrats, ang nag-upod naman sa nagadamo nga lista sang public figures nga nagapanawagan kay Biden, 81-anyos, nga ipaiway na lamang ang re-election campaign matapos ang iya nangin performance sa debate sini batok kay former US President Donald Trump sang tinalikan nga bulan.
Bilang isa ka self-described “lifelong Democrat,” nagco-host sang tinalikdan nga bulan si Clooney sang isa ka star-studded fundraiser kaupod si Biden sa Los Angeles kun sa diin ginfeature man si former president Barack Obama.
Suno kay Clooney, ang Joe Biden nga kaupod sini tatlo ka semana na ang nakaligad ang indi na kaangay sang Biden sang 2010 ukon sang 2020 kundi ang kaangay nga persona nga nakit-an sang tanan sa debate.
Nagapati ini nga kun si Biden ang mangin standard bearer, indi magdaog ang Democrats sa Nobyembre, madulaan sang kontrol sa Senado kag indi makaangkon sang majority sa House of Representatives.
