Gin-abi abi sang Pilipinas ang ginpa gwa nga advisory opinion sang International Tribunal for the Law of the Sea (ITLOS), nga nagakilala sang key parts sang 2016 South China Sea arbitration ruling bilang “authoritative.”
Ang advisory opinion amo ang sabat sa request sang Commission of Small Island States on Climate Change and International Law sang December 2022.
Ang Pilipinas nga isa ka state party sa United Nations Convention on the Law of the Sea (UNCLOS), ang nangin kabahin sang proceedings sang September 2023 agud nga suportahan ang panawagan sang small island states para sa proteksyon batok sa impact sang climate change.
Suno sa Department of Foreign Affairs nga ang opinion advisory sang ITCLOS ang nagapakita sang legitimacy sang final and binding 2016 Arbitration Award kag ang unassailable status sini bilang kabahin sang corpus sang international law.
Paagi sini, liwat nga nagapanawagan ang Pilipinas para sa full compliance sang award.
Ang 2016 arbitration ruling ang nagakilala sang exclusive economic zone sang Pilipinas sangsa historical claim sang China sa West Philippines Sea sa idalom sang UNCLOS apang wala ini ginkilala sang China.
