Nagpanindugan ang Armed Forces of the Philippines nga magapadayon ini sa pagpatigayon sang mga maritime patrols apisar sang insidente sa Bajo de Masinlco kun sa diin imbolbado ang duha ka mga Chinese military aircrafts.
Suno kay Armed Forces spokesperson Col. Francel Margareth Padilla, hugot nga ginakondenar sang AFP ang delikado nga mga tikang sang Chinese military aircrafts sa eroplano sang Philippine Air Force nga nagapatigayon sang isa ka routine patrol sa Bajo de Masinloc ukon mas kilala nga Panatag kag Scarborough Shoal sang tinalikdan nga Huwebes.
Suno kay Padilla, ang ini nga insidente ang indi makapugong sa pwersa sang Pilipinas sa pagpadayon sa routine patrols sini.
Suno diri, napasa na ini sa Department of Foreign Affairs kag sila na ang magahimo sang tikang natuhoy diri.
