100 porsyento na nga drug cleared ang status sang mga Barangay sa Aklan, Antique kag Guimaras.
Ini kasunod sang Barangay Drug Clearing Program (BDCP) sa pagpanguna sang Philippine Drug Enforcement Agency (PDEA).
Sang Biyernes, ginpahayag ni PDEA information officer Graziella Tanaleon, sa deliberasyon sang Regional Oversight Committee, nadeklarar na nga drug cleared ang tanan nga Barangay sa Aklan, Antique kag Guimaras.
Ini ang ginalakipan sang 590 ka mga Barangay sa Antique, 372 sa Aklan, kag 98 ka Barangay sa Guimaras.
Kalakip man sa ginpatigayunan sang validation ang mga Barangay nga una na nga nadeklarar nga drug cleared agud maseguro nga namintinar sang mga ini ang status.
Pahayag ni Tanaleon nga nangin aktibo ang mga barangay anti-drug councils sa tagsa ka probinsya sa pagsumiter sang ila nga mga requirements, kadungan sa suporta sang mga local government units.
Sa karun may 122 pa ka mga Barangay nga wala pa nadeklarar nga drug cleared sa probinsya sang Negros Occidental, 86 sa Iloilo City, 41 sa Bacolod City, 31 sa Capiz kag 14 sa probinsya sang Iloilo.
