Ginalantaw sang alkalde sang banwa sang La Castellana nga ang mga issues nga ginahaboy sa iya karun ang politically motivated.
Suno kay La Castellana Mayor Rhummyla Nicor Mangilimutan sa ginpatigayon nga press conference, Martes, Agosto 6, indi ini apektado sang mga issues bangud naanad naman ini bangud ang mga ini ang nagsugod pa sang ang alkalde pa sang banwa ang amay sini nga si Alberto “Bordig” Nicor Jr.
Suno kay Mangilimutan, handa ini nga magpaidalom sa lifestyle check kun kinahanglan matapos nga isa sa mga issues nga ginahaboy sa iya amo nga corrupt ini.
Suno sa alkalde, ang balay sini nga gina-issuehan man kasubong ang mga salakyan ang napatindog na ini sang siya ang police pa lamang kag antes pa man siya nangin alkalde sang banwa.
Dugang pa sini, ipasaka sang complainant ang reklamo batok sa iya insakto kag sabton man niya ini sang sakto.
Gin-athag man sini nga contractual lamang ang nagapalapta sang mga alegasyon batok sa iya sa social media.
Wala man ini nagapaapekto apang ang indi na maayo ang ginapanghambal batok sa iya sa live sa social media kun sa diin indi na maayo nga mabatian kag malantaw sang iya mga kabataan.
Ginpabugal man sang alkalde nga madamo ini sang nabaton nga pagpasidungog kag nakilala na ang ila banwa sa luwas sang pungsod kag kon inde maayo ang iya pagpalakat sang banwa wala niya ini nabaton.
Ginpahayag man sini nakahanda naman siya nga magpasaka sang kaso sa mga tawo nga nag guba sang iya maayo nga reputasyon nga pati ang iya mga anak nagakadalahig kag nagakaapektuhan na sa mga personal nga pagpang atake sa iya kag sa ila pamilya.
