Nagalaom ang secretary general sang Alliance of Concerned Teachers-Negros Occidental nga makumpleto man ang mga materyales nga galamiton sa tion nga may bag-o nga ipatuman ang Department of Education kaangay sang bag-o nga curriculum.
Sa interview sang Bombo Radyo Bacolod kay Grace Abellar, isa sa ginapangatubang sang Department of Education sa karun amo ang pagnubo sa critical thinking sang mga estudyante.
Bangud sini, gintun-an ang K-12 curriculum kag nakita nga ini ang isa ka failure.
Kasunod sini ang Department of Education ang naglunsyar naman sang bag-o nga Matatag curriculum.
Suno kay Abellar, kulang-kulang ang materyales nga ila nagamit sa pagpatuman sang bag-o nga curriculum.
Suno diri, sabaylo nga magpatigayon sang seminar ang Department of Education sa mga manunudlo, maghimo nalang ang DepEd sang mga kinahanglanon nga printed materials agud gamiton sa pagpatuman sang programa.
Suno pa kay Abellar, indi man kinahanglan sang dugang nga seminar bangud nakahibalo na sila sang kinahanglan nga mahibaluan.
