Igaselebrar na sang Alpha phi omega-international Philippines Incorporated ang ila ika-100 nga anibersaryo sa Disyembre 16.
Suno kay Bro. Joao Augusto Perez, Immediate Past Regional for WVAR, kada tuig ang Alpha phi omega may yara sang ginapatigayon nga mga aktibidad para makabulig sa komunidad kaagay sang bloodletting activity, medical mission, feeding program kag donation drive sa mga biktima sang kalamidad.
Samtang, gin-athag naman ni Bro. Gideon Romarco Montealegre – Nu Omega Chapter, nga indi sila isa ka klase sang gang kag wala sang may nagakatabo nga hazing indi kaangay sa mga pagpati sang iban.
Suno diri, nagarecruit sila sang mga yara sa univeristy kag colleges nga mga estudyante nga luyag magbulig sa pagserbisyo.
Suno naman kay Bro. John Michael Rabago – Section Chair for Collegiate – Negros, sa kada magrecruit sila, may yara sang mga polisiay kaangay nga dapat in good health sila kag dapat nakasulod na sa second sem sang pag-eskwela.
Samtang, suno naman kay Sis. Olive Casama – Deputy Section Chair for Alumni – Central Negros, nagatap man ang Alpha phi omega sa mga local organizations kun may yara sila sang patigayonon nga mga activities.
Suno diri, may yara sila sang patigayonon nga donation drive sa Canlaon City kun sa diin madamo didto sang nangin biktima sang bagyo TINO.
