Patay ang isa ka amay matapos ginlabo sang iya bata sa banwa sang Sibulan probinsya sang Negros Oriental sadtong Mayo 29.
Sa impormasyon nga nakuha sang Bombo Radyo Bacolod, las-4:00 sang hapon sadtong Miyerkules, Mayo 29, sang natabo ang krimen sa Sitio Kawitan, Barangay Enrique Villanueva sa amo nga banwa kag ginkilala ang biktima kay Balbino Ardenia, 62 anyos kag ang bata sini nga suspetsado nga si Reynante Ardemia, 34 anyos .
Base sa imbestigasyon sang Sibulan Municipal Police Station, may gin-sugo ang biktima sa iya nga bata apang siya ang wala gin-pati.
Bangud diri, tuman ang kaakig sang amay sa diin ginlabo sini ang iya nga bata.
Maswerte nga nakapalagyo ang suspetsado, apang ginlagas pa siya sang biktima nga may dala sang binangon.
Sang na corner na sang amay ang iya bata, nag-palangdulom naman ang panulokan sang suspetsado kag didto na sini gin-unahan labo ang iya amay tubtob sa napatay.
Yara karun nakahunong sa kustodiya sang Sibulan Municipal Police Station ang suspetsado nga bata kag naga-pangatubang sa kaso nga Parricide.
