Ginsuspender na ni Cadiz City Mayor Salvador “Bading” Escalante ang ambulance driver sang ciudad nga nadakpan sa drug buybust operation sa Purok Grasya, Barangay Singcang-Airport, Bacolod City kagab-i.
Nahibaluan nga ang driver nga ginkilala lamang nga si Alyas Rich, 50 anyos, kasado, residente sang Brgy. Daga, Cadiz City, ginakonsiderar Street Level Individual (SLI), wala sa Barangay Anti-Drug Abuse Council (BADAC) list ang nadakpan upod kay Alyas Evon ukon Alyas Tats, 27 anyos, single, Home-base Call Center agent nga residente sang Brgy. Tinampaan, Cadiz City, ginakonsiderar High Value Individual (HVI) kag yara sa BADAC list alas-8:42 kagab-i.
Nrecover sa duha ang isa ka elongated kag 11 ka big heat-sealed transparent plastic sachet sang suspected shabu nga ginabanta nagabug-at sang 80 grams nga may standard drug price nga P544,000.
Narecover man sa mga ini ang iban pa nga drug paraphernalia.
Ang duha ang parehas nga natalana mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
